4540: ۔۔ ابو عبدالرحمن سلمی حضرت علی (رض) سے روایت کرتے ہیں کہ فرمان الہی :
فکاتبوھم ان علمتم فیھم خیرا واتوھم من مال اللہ الذی آتاکم ولا تکرھوا فتیاتکم علی البغاء۔ (سورة النور : 33)
اگر تم ان میں (صلاحیت اور ) خیر پاؤ تو ان سے مکاتبت کرلو اور خدا نے جو مال تم کو بخشا ہے اس میں سے ان کو بھی دو ۔ اور اپنی لونڈیوں کو اگر وہ پاک دامن رہنا چاہیں تو (بےشرمی سے) دنیاوی زندگی کے فوائد حاصل کرنے کے لیے ان کو بدکاری پر مجبور نہ کرو فرماتے ہیں کہ خیر سے مراد مال ہے یعنی اگر وہ مال ادا کرنے کی صلاحیت رکھیں تو ان کے ساتھ مکاتبت کا معاملہ کرلو۔ اور ان کی مالی مدد کرو۔ یعنی ایک چوتھائی حصہ معاف کردو۔ اور بدکاری پر مجبور نہ کرو اس لیے فرمایا کہ جاہلیت میں لوگ اپنی لونڈیوں سے فحاشی کرواتے تھے جس سے اسلام میں ممانعت کردی گئی۔ رواہ ابن مردویہ۔