45713 ابن ابی ملیکہ کی روایت ہے کہ عروہ بن زبیر نے ابن عباس (رض) سے کہا : لوگ ہلاک ہوگئے۔ ابن عباس (رض) نے کہا : وہ کیوں ؟ عروہ بولے : آپ لوگوں کو متعہ کے حق میں فتویٰ دے رہے ہیں، حالانکہ آپ کو معلوم ہے کہ حضرت ابوبکر وحضرت عمر (رض) اس سے منع فرماتے تھے۔ ابن عباس (رض) نے فرمایا : تعجب ہے : میں تو متعہ کے متعلق رسول کریم (صلی اللہ علیہ وآلہ وسلم) کی حدیثیں بیان کرتا ہوں اور آپ ابوبکر وعمر کی حدیث سناتے ہو عروہ بولے : وہ دونوں حضرات رسول کریم (صلی اللہ علیہ وآلہ وسلم) کی سنت کے تم سے بڑے عالم تھے۔ ابن عباس (رض) خاموش ہوگئے۔ رواہ ابن جریر