45714 عمرو کی روایت ہے کہ جب حضرت عمر بن خطاب (رض) کو خلافت کی ذمہ داری سونپی گئی تو آپ (رض) نے لوگوں سے خطاب کیا جس میں آپ (رض) نے فرمایا ! بلاشبہ رسول کریم (صلی اللہ علیہ وآلہ وسلم) نے ہمیں تین دن تک متعہ کرنے کی اجازت مرحمت فرمائی تھی لیکن پھر آپ (صلی اللہ علیہ وآلہ وسلم) نے متعہ (ہمیشہ ہمیشہ کے لئے) حرام قرار دیا : بخدا ! میں نہیں جانتا کہ کوئی شخص متعہ کرے اور پھر وہ محصن بھی رہے۔ البتہ میں ایسے شخص کو ضرور سنگسار کروں گا الایہ کہ وہ میرے پاس چار گواہ لائے جو گواہی دیتے ہوں کہ رسول کریم (صلی اللہ علیہ وآلہ وسلم) نے متعہ کو حرام کرنے کے بعد حلال کیا ہے، مسلمانوں میں سے جس شخص کو بھی متعہ کرتے ہوئے پاؤں گا میں اسے ضرور سو (100) کوڑے لگاؤں گا البتہ یہ کہ وہ میرے پاس چار گواہ لائے جو گواہی دیں کہ رسول کریم (صلی اللہ علیہ وآلہ وسلم) نے متعہ کو حرام قرار دینے کے بعد حلال قرار دیا ہے۔ رواہ ابن عساکر و سعید بن المنصور وتمام