4602: ۔۔ نزال بن سبرہ سے مروی ہے کہ حضرت علی (رض) سے کسی نے کہا : یا امیر المومنین ! یہاں ایک قوم ہے جو کہتی ہے کہ اللہ تعالیٰ کسی بات کو اس وقت تک نہیں جانتا جب تک وہ وقوع پذیر نہ ہوجائے۔ حضرت علی (رض) نے اس پر پھٹکار کی ان کی ماں ان کو گم کرے۔ یہ بات کہاں سے کہی ہے انھوں نے ؟ کیا وہ قرآن کے اس فرمان کی تفسیر (میں یہ بات) کہتے ہیں :
ولنبلونکم حتی نعلم المجاھدین منکم والصابرین و نبلو اخبارکم۔ محمد :31
اور ہم تم کو آزمائیں گے تاکہ جو تم میں لڑائی کرنے والے اور ثابت قدم رہنے والے ہیں، ان کو معلوم کریں اور تمہارے حالات جانچ لیں۔
حضرت علی (رض) نے ارشاد فرمایا : جس نے علم حاصل نہیں کیا وہ ہلاک ہوگیا۔ پھر آپ (رض) برسر منبر جلوہ افروز ہوئے اللہ کی حمد کی اور اس کو بڑائی بیان کی اور پھر فرمایا :
اے لوگو ! علم حاصل کرلو اور اس پر عمل کرو اور اسے آگے دوسروں کو پڑھاؤ اور جس شخص پر کتاب اللہ کی کوئی بات مشتبہ ہوجائے وہ مجھ سے دریافت کرلے مجھے یہ بات پہنچی ہے کہ کچھ لوگ کہتے ہیں : اللہ پاک نہیں جب تک بات وقوع پذیر نہ ہوجائے، کیونکہ اللہ تعالیٰ کا فرمان ہے :
ولنبلونکم حتی نعلم المجاھدین۔ الخ سنو ! درحقیقت اس کا مطلب ہے ہم جان لیں یعنی ہم دیکھ لیں کہ جس پر جہاد اور صبر فرض کیا ہے اگر وہ جہاد کرتا ہے اور مصیبت پر صبر کرتا ہے اور جو میں نے اس پر لکھ دیا ہے اس کو بجا لاتا ہے۔ (اس کو کرتا ہوا دیکھ لیں اور ہم کو سب معلوم ہے کون کیا کرتا ہے ؟ ) ابن عبدا لبر فی العلم۔