4605: سیف بن عمر عطیہ عن اصحاب علی (رض) عن علی (رض)۔ عن الضحاک عن ابن عباس (رض) :
حضرت علی اور حضرت ابن عباس (رض) سے فرمان باری تعالیٰ :
و عدکم اللہ مغانم کثیرۃ۔ الفتح :20
خدا نے تم سے بہت سی غنیمتوں کا وعدہ فرمایا ہے۔
کی تفسیر میں ارشاد فرماتے ہیں : اس سے خیبر کی فتح کے موقع پر ملنے والی غنیمتیں مراد ہیں۔ تم ان کو حاسل کروگے اور بہت جلد وہ تم کو حاصل ہوجائیں گی اور اس کے علاوہ صلح حدیبیہ کی وجہ سے کفار کے ہاتھ تم سے رک جائیں گے، تاکہ یہ مومنوں کے لیے نشانی بن جائے۔ بعد کے لیے اور اللہ کے وعدہ کے پورا ہونے پر دلیل بن جائے۔ اور ان کے علاوہ اور دوسری غنیمتیں بھی ہیں : لم تقدروا علیھا تم ان پر قادر نہیں ہو یعنی ان کے علم پر قادر نہیں ہو کہ وہ کب حاصل ہوں گی وہ فارس اور روم کی غنیمتیں ہیں جو اللہ نے تمہارے لیے طے کردی ہیں۔ رواہ مستدرک الحاکم۔