46301 ایاس بن مالک بن اوس اپنے والد سے روایت نقل کرتے ہیں جب رسول کریم (صلی اللہ علیہ وآلہ وسلم) ابوبکر (رض) ہجرت کے لیے نکلے، مقام حجفہ میں ہمارے اونٹوں کے پاس سے گزرے آپ نے فرمایا : یہ کس کے اونٹ ہیں ؟ جواب دیا : کہ یہ قبیلہ اسلم کے ایک آدمی کے ہیں، آپ نے ابوبکر (رض) کی طرف متوجہ ہو کر فرمایا : انشاء اللہ سلامتی میں رہیں گے۔ آپ نے فرمایا : تمہارا نام کیا ہے۔ جواب دیا : میرا نام مسعود ہے آپ نے ابوبکر (رض) کی طرف متوجہ ہو کر فرمایا : انشاء اللہ تم سعادت پالو گے۔ چنانچہ میرے والد آپ (رض) کے پاس آئے اور آپ کو سواری کے لیے ایک اونٹ پیش کیا۔۔ رواہ ابن العباس السراج فی تاریخہ و ابونعیم