46318 حضرت عائشہ (رض) کی روایت ہے کہ ایک دن میں دوپہر کے وقت دیوار کے سائے تلے کھیل رہی تھی میں ابھی چھوٹی لڑکی تھی۔ اتنے میں رسول اللہ (صلی اللہ علیہ وآلہ وسلم) تشریف لائے میں بھاگ کر اپنے والد صاحب کے پاس گئی اور کہا : یہ میرے چچا ہیں جو آچکے ہیں۔ میرے والد رسول اللہ (صلی اللہ علیہ وآلہ وسلم) کی طرف نکلے اور خوش آمدید کہا، آپ نے فرمایا : اے ابوبکر ! کیا مجھے خبر نہیں دو گے کہ میں اللہ تعالیٰ سے یہاں سے نکل جانے کی اجازت طلب کرتا رہا ہوں ؟ عرض کیا : جی ہاں۔ آپ نے فرمایا : لو مجھے اجازت مل گئی ہے حضرت ابوبکر نے کہا : آہا پھر تو مزیدار صحبت ہوگی۔ میرے پاس دو اونٹنیاں ہیں جنہیں میں چھ ماہ سے چارا کھلاتا رہا ہوں ایک آپ لے لیں آپ (صلی اللہ علیہ وآلہ وسلم) نے فرمایا : بلکہ میں خریدوں گا چنانچہ آپ نے اونٹنی خریدی اور پھر دونوں گھر سے نکل گئے دونوں حضرات نے غار میں پڑاؤ کیا جب کہ عامر بن فھیرہ مولائے ابی بکر بکریاں چرایا کرتا تھا شام کے وقت وہ ان کے پاس دودھ اور گوشت لے کر حاضر ہوجاتا جب کہ عبداللہ بن ابی بکر بھی مکہ والوں کی خبریں لے کر ان کے پاس جاتے رہتے پھر واپس لوٹ آتے اور صبح کو مکہ سے اٹھتے، لوگ یہی سمجھتے کہ عبداللہ نے یہیں رات گزاری ہے۔ یہ سلسلہ اسی طرح چلتا رہا حتیٰ کہ رسول اللہ وہاں سے کوچ کر گئے رسول اللہ (صلی اللہ علیہ وآلہ وسلم) اپنی اونٹنی پر سوار رہتے جب کہ عامر بن فہیرہ ابوبکر (رض) کے ساتھ چلتے اور کبھی ابوبکر انھیں اپنے پاس بٹھالیتے حضرت اسمائ (رض) کہا کرتی تھیں جب میں رسول اللہ (صلی اللہ علیہ وآلہ وسلم) اور ابوبکر (رض) کے لیے زادراہ تیار کرتی تو ابو قحافہ روٹی پکنے کی بوسونگھتے، پوچھتے یہ کیسی بو ہے میں کہہ دیتی۔ کچھ نہیں : میں روٹی پکارہی ہوں تاکہ اسے ہم کھائیں۔ پھر میں نے زادراہ باندھنے کے لیے کوئی رسی نہ پائی میں نے اپنے کمربند کی رسی کھولی اور اس سے زادراہ باندھا (اسی وجہ سے حضرت سمائ (رض) کو ذات النطا قین کا لقب دیا گیا ہے) چنانچہ جب ابوبکر جاچکے تو ابوقحافہ نے انھیں تلاش کرنا شروع کردیا اور کہتے ابوبکر چلا گیا اور اپنے عیال کا بوجھ مجھ پر ڈالتا گیا۔ شاید مال بھی اپنے ساتھ لیتا چلا گیا ہے ابوقحافہ نابینا ہوچکے تھے میں نے کہا : ایسا نہیں، میں نے ابوقحافہ کا ہاتھ پکڑا اور ایک تھلے کے اس لے گئے جس میں پنیر کے کچھ ٹکڑے تھے ابوقحافہ نے اس پر ہاتھ پھیرا اور میں نے کہا : یہ رہا ابوبکر کا مال۔ رواہ البغوی وقال ابن کثیر حسن الاسناد