46317 حضرت اسماء بنت ابی بکر (رض) کی روایت ہے کہ جب رسول اللہ (صلی اللہ علیہ وآلہ وسلم) ابوبکر (رض) کے ساتھ ہجرت کے لیے روانہ ہوئے تو ابوبکر (رض) اپنے ساتھ اپنا سارا مال جو پانچ ہزار درہم تھا لیتے گئے ان کے چلے جانے کے بعد میرے دادا ابوقحافہ گھر میں داخل ہوئے ان کی بصارت ختم ہوچکی تھی کہنے لگے : بخدا ! میں سمجھتا ہوں ابوبکر نے تمہیں اپنی جان کے ساتھ ساتھ اپنے مال سے بھی تکلیف پہنچائی ہے میں نے کہا : اے دادا جان ! ہرگز نہیں وہ بہت سارا مال ہمارے لیے چھوڑ کر گئے ہیں چنانچہ میں نے کچھ کنکریاں لیں اور گھر میں اس جگہ ڈال دیں جہاں میرے والد مال رکھتے تھے، پھر میں نے کنکریوں پر ایک کپڑا ڈال دیا۔ اور دادا کا ہاتھ پکڑ کرلے آئی اور کہا : دادا جان اس مال پر اپنا ہاتھ رکھیں، دادا مال رکھتے تھے، پھر میں نے کنکریوں پر ایک کپڑا ڈال دیا۔ اور دادا کا ہاتھ پکڑ کرلے آئی اور کہا : دادا جان اس مال پر اپنا ہاتھ رکھیں ، دادا نے اپنا ہاتھ رکھا اور کہا : کوئی حرج نہیں جب تمہارے لیے اتنا مال چھوڑ گیا ہے تو اس نے بہت اچھا کیا، اس سے تمہارا اچھا خاصا گزارا چل جائے گا۔ حضرت اسماء کہتی ہیں اللہ کی قسم ! ابوبکر ہمارے لیے کوئی چیز نہیں چھوڑ کر گئے تھے لیکن میں نے اس بوڑھے کو خاموش کرنا چاہا۔ چنانچہ جب رسول کریم (صلی اللہ علیہ وآلہ وسلم) اور ابوبکر (رض) جاچکے تو قریش کی ایک جماعت ہمارے پاس آئی جن میں ابوجہل بھی تھا، وہ دروازے پر آیا اور ابوبکر ! ابوبکر پکارنے لگا۔ میں نے ان کی طرف گھر سے باہر نکلی ان لوگوں نے مجھ سے پوچھا : اے دختر ابی بکر تمہارا بات کہاں ہے ؟ میں نے جواب دیا : اللہ کی قسم مجھے پتا نہیں کہ وہ کہاں چلے گئے ہیں ابوجہل فاحش مزاج اور خبیث سرشت انسان تھا اس نے جو اپنا ہاتھ اٹھایا تو مجھے ایک تھپڑ دے مارا جس سے میری بالی وہ جالگی۔ پھر وہ لوگ واپس لوٹ گئے تین دن ہم نے بیخبری کے عالم میں گزارے ہمیں نہیں پتہ تھا کہ رسول اللہ (صلی اللہ علیہ وآلہ وسلم) کہاں لے گئے حتیٰ کہ مکہ کے نشیبی حصہ میں کسی جن کی آواز سنائی دی جو عربوں کی لے میں اشعار گنگنارہا تھا جب کہ لوگ آواز سن سکتے تھے مگر آواز والے کو نہیں دیکھ سکتے تھے حتیٰ کہ آواز والا مکہ کے اوپر والے حصہ سے کہیں غائب ہوگیا۔ چند اشعار یہ ہیں :
جزی اللہ رب الناس خیر جزاہ
رفیقین حلا خیمتی ام معبد
اللہ تعالیٰ جو کہ سب لوگوں کا پروردگار ہے دوررفیقوں کو جزائے خیر عطا فرمائے جو ام معبد کے خیمہ میں اترے۔
ھما نزلا بالبر ثم تروحا
فافلح من اسمی رفیق محمد
وہ دونوں خشکی میں اترے پھر کوچ کر گئے اور جو شخص محمد (صلی اللہ علیہ وآلہ وسلم) کا رفیق سفر ہوا وہ کامیاب ہوگیا۔
لیھن بنی کعب مکان فتاتھم
ومقعدھا للمومنین بمر صد
مبارک ہو بنی کعب کو ان کی عورتوں کا مقام اور اہل ایمان کو ان کے مقام کا ٹھکانا ہے۔
رواہ ابن اسحاق