4651: ۔۔ حضرت علی (رض) سے مروی ہے کہ کتاب اللہ میں ایک ایسی آیت ہے جس پر مجھ سے پہلے کسی نے عمل نہیں کیا اور نہ میرے بعد کوئی کرسکا۔ وہ آیت النجوی ہے۔ میرے پاس ایک دینار تھا جو میں دس دراہم کے بدلے فروخت کردیا۔ میں جب رسول اللہ (صلی اللہ علیہ وآلہ وسلم) کے ساتھ راز و نیاز کرتا تھا پہلے ایک درہم صدق کردیا کرتا تھا حتی کہ وہ ایک ایک کرکے ختم ہوگئے۔ (اور اس کا اللہ نے حکم دیا تھا) ۔
یا ایہا الذین آمنوا اذا ناجیتم الرسول فقدموا بین یدی نجواکم صدقہ۔ المجادلۃ :12
مومنو ! جب تم پیغمبر کے کان میں کوئی بات کہو تو بات کہنے سے قبل (مساکین کو) کو کچھ خیرات دے دیا کرو۔
پھر اس آیت پر عمل کرنا منسوخ ہوگیا اور کسی نے عمل نہیں اور اس سے اگلی یہ آیت نازل ہوگئی۔
ء اشفقتم ان تقدموا بین یدی نجواکم صدقات الخ۔ المجادلۃ :13 ۔
کیا تم اس سے کہ پیغمبر کے کان میں کوئی بات کہنے سے پہلے خیرات کردیا کرو ڈر گئے ؟ پھر جب تم نے (ایسا) کیا اور خدا نے تمہیں معاف کردیا تو (اب) نماز پڑھتے اور زکوۃ دیتے رہو اور خدا اور اس کے رسول کی فرمان برداری کرتے رہو اور جو کچھ تم کرتے ہو خدا اس سے خبردار ہے۔ (السنن لسعید بن منصور، ابن راھویہ، عبد بن حمید، ابن المنذر، ابن ابی حاتم، ابن مردویہ)