4652: ۔۔ حضرت علی (رض) سے مروی ہے کہ جب یہ آیت نازل ہوئی :
یا ایھا الذین آمنوا اذا ناجیتم الرسول فقدموا بین یدی نجواکم صدقۃ ۔ المجادلۃ :12 ۔
اے ایمان والو ! جب تم رسول سے سرگوشی کرنے لگو تو اپنی سرگوشی کرنے لگو تو اپنی سرگوشی سے پہلے کچھ خیرات دیدیا کرو۔ تو آپ (صلی اللہ علیہ وآلہ وسلم) نے مجھے فرمایا : کیا خیال ہے ایک دینار صحیح ہے ؟ میں نے عرض کیا : مسلمان اس کی طاقت نہیں رکھیں گے۔ آپ نے فرمایا : نصف دینار ؟ میں نے عرض کیا اس کی بھی مسلمان طاقت نہیں رکھتے۔ پھر آپ (صلی اللہ علیہ وآلہ وسلم) نے مجھ سے ہی پوچھا بتاؤ کتنا صدقہ ہونا چاہیے ؟ میں نے عرض کیا : (کچھ) جو۔ آپ (صلی اللہ علیہ وآلہ وسلم) نے فرمایا : انک لزھید۔ تم بہت کم پر قناعت کرنے والے ہو۔ پھر اللہ پاک نے یہ آیت نازل فرما دی :
ء اشفقتم ان تقدموا بین یدی نجواکم صدقات الخ : المجادلہ :13 ۔
حضرت علی (رض) فرماتے ہیں : پس اللہ نے میری وجہ سے اس امت سے یہ حکم آسان کردیا۔ (ابن ابی شیبہ، عبد بن حمید، ترمذی حسن غریب، مسند ابی یعلی، ابن جریر، ابن المنزر، الدورقی، ابن حبان، ابن مردویہ، السنن لسعید بن منصور) گزشتہ روایت میں آیت کا مکمل ترجمہ ملاحظہ فرمائیں۔