4654: ۔۔ (علی (رض)) حضرت علی (رض) فرماتے ہیں :
ایک راہب اپنے صومعہ میں عبادت کیا کرتا تھا۔ اور ایک عورت کے کچھ بھائی تھے۔ عورت کو کوئی بات پیش آئی جس کی وجہ سے اس کے بھائی اس کو عبادت گذار نوجوان کے پاس لائے اور اسی کے پاس چھوڑ گئے۔ عورت نے اپنے آپ کو نوجوان کے لیے پرکشش اور مزین کیا۔ عابد کا دل بھی پھسل گیا اور وہ اس کے ساتھ بدکاری میں ملوث ہوگیا۔ جس کی وجہ سے عورت حاملہ ہوگئی۔ پھر شیطان عابد کے پاس آیا اور اس کو کہا : اس عورت کو قتل کردے۔ کیونکہ اگر اس کے بھائیو کو اس کے حمل کا پتہ چل گیا تو تو رسوا اور ذلیل ہوجائے گا۔ چنانچہ عابد نوجوان نے اس کو قتل کیا اور دفن کردیا۔ اس کے بھائی آئے اور اس کو پکڑ کرلے گئے۔ یہ اس عابد کو لے جا رہے تھے کہ شیطان پھر اس عابد کے پاس آیا اور بولا میں نے ہی تجھے یہاں تک پہنچایا ہے اگر تو مجھے سجدہ کرلے تو میں تجھے نجات دلا سکتا ہوں۔ آخر عبادت گذار نوجوان نے اس کو سجدہ کرلے تو میں تجھے نجات دلا سکتا ہوں۔ آخر عبادت گذار نوجوان نے اس کو سجدہ بھی کرلیا۔ اسی کے متعلق اللہ پاک کا ارشاد ہے :
کمثل الشیطان اذ قال للانسان اکفر الخ۔
(منافقوں کی) مثال شیطان کی سی ہے کہ انسان سے کہتا رہا کہ کافر ہوجا (عبدالرزاق، الزھد للامام احمد، ابن راھویہ، عبد بن حمید فی تاریخہ، ابن المنذر ، ابن مردویہ، مستدرک الحاکم، شعب الایمان للبیہقی)