4653: ۔۔۔ امام ابن سیرین (رح) سے مروی ہے کہ اسلام میں سب سے پہلے جس شخص نے اظہار کیا وہ خولہ کے شوہر تھے۔ پھر خولہ حضور (صلی اللہ علیہ وآلہ وسلم) کی خدمت میں آئیں اور ساری خبر سنائی آپ (صلی اللہ علیہ وآلہ وسلم) نے ان کے شوہر کو بلایا اور پھر اللہ پاک نے ان کے بارے میں یہ فرمان نازل کیا :
قد سمع اللہ قول التی تجادلک فی زوجھا۔ المجادلۃ۔ 1 ۔ ابن ابی شیبہ۔
فائدہ : ۔۔۔ ان کے شوہر حضرت اوس بن صامت (رض) تھے۔ انھوں نے اپنی بیوی خولہ کو کہہ دیا تھا کہ تو میری ماں کی طرح ہے۔ اس سے جاہلیت میں ہمیشہ کے لیے عورت حرام ہوجاتی تھی۔ خولہ نے حضور (صلی اللہ علیہ وآلہ وسلم) سے اس کی شکایت کی آپ نے بھی یہی حکم دیا تب وہ بہت گرگڑائیں اور خدا کے آگے ماتھا ٹیکنے لگیں اور خوب آہ وزاری کی تو اللہ پاک نے ظہار کا حکم نازل کیا کہ یہ کفارہ ادا کرکے میاں بیوی بن سکتے ہیں۔ ظہار کی تفصیل کتب فقہ میں ملاحظہ فرمائیں۔