46530 حضرت ابودرداء (رض) کی روایت ہے کہ ان کے ہاں ایک شخص مہمان ہوا حضرت ابودردائ (رض) سے تاخیر ہوگئی حتیٰ کہ مہمان بھوکا ہی سوگیا اور بچے بھی بھوکے سوگئے کچھ تاخیر کے بعد حضرت ابودردائ (رض) آئے جب کہ بیوی سخت غصہ میں تھی کہنے لگی : آج رات آپ نے ہمیں سخت مشقت میں ڈال دیا، آپ (رض) نے فرمایا : کیا میں نے تمہیں مشقت میں ڈال دیا ؟ بیوی نے کہا : جی ھاں۔ آپ تاخیر سے آئے حتیٰ کہ مہمان بھوکاسوگیا اور بچے بھی بھوکے سوگئے آپ (رض) کو غصہ آگیا اور فرمایا : کوئی حرج نہیں ! اللہ کی قسم میں کھانا نہیں کھاؤں گا جب تک کہ تو نہیں کھائے گی۔ اتنے میں مہمان بیدار ہوگیا اور کہنے لگا : تمہیں کیا ہوا ؟ آپ (رض) نے فرمایا : کیا تم نہیں دیکھتے ہو کہ اس نے مجھے گناہ میں ڈال دیا ہے مجھے فلاں فلاں کام میں تاخیر ہوئی مہمان نے کہا : خدا کی قسم میں بھی کھانا نہیں کھاؤں گا حتیٰ کہ تم دونوں نہ کھالو۔ ابودرداء (رض) کہتے ہیں : جب میں کھانا رکھا ہوا دیکھا مہمان اور بچے بھی بھوکے ہیں یارسول اللہ ! میں نے اپنا ہاتھ آگے بڑھا دیا اور دوسروں نے بھی کھانے کے لیے ہاتھ بڑھا دیئے اور وہ اپنی قسم پوری کرچکے بخدا ! یارسول اللہ ! مجھ سے گناہ سرزد ہو آپ (صلی اللہ علیہ وآلہ وسلم) نے فرمایا : بلکہ تم ان سے بہتر ہو اور تم ان سے زیادہ اپنی قسم کو پورا کرنے والے ہو۔ رواہ ابن عساکر