4815: ۔۔۔ ابو ادریس (رح) خولانی (رح) سے مروی ہے کہ حضرت ابی (رض) پڑھا کرتے تھے :
اذ جعل الذین کفروا فی قلوبہم الحمیۃ الجاہلیۃ ولو حمیتم کما حموا نفسہ لفسد المسجد الحرام فانز اللہ سکینتہ علی رسولہ۔ سورة الفتح۔
(جبکہ موجودہ قراءت میں ولو حمیتم کما حموا نفسہ لفسد المسجد الحرام) کے الفاظ نہیں ہیں۔ چنانچہ یہ خبر حضرت عمر (رض) کو پہنچی تو ان کو یہ بات گراں گذر۔ لہٰذا انھوں نے حضرت ابی (رض) کو بلا بھیجا حضرت ابی (رض) تشریف لے آئے تو پھر دوسرے چند صحابہ کرام (رض) کو بھی بلایا جن میں زید بن ثابت (رض) بھی تھے۔ آپ نے پوچھا : تم میں سے کون شخص سورة فتح پڑھے گا ؟ چنانچہ حضرت زید (رض) نے آج کی قراءت کے مطابق سورة فتح پڑھی۔ پھر حضرت عمر (رض) حضرت ابی (رض) پر غصہ ہوئے تو انھوں نے عرض کیا : میں کچھ بات کرتا ہوں۔ حضرت عمر (رض) نے فرمایا : کہو ! حضرت ابی (رض) نے عرض کیا : آپ جانتے ہیں کہ میں اکثر حضور (صلی اللہ علیہ وآلہ وسلم) کے پاس جاتا رہتا تھا اور آپ مجھے (قرآن) پڑھاتے تھے۔ جبکہ آپ دروازے ہی پر رہتے تھے۔ لہٰذا اگر آپ چاہتے ہیں کہ میں لوگوں کو اسی طرح پڑھاؤں جس طرح مجھے حضور (صلی اللہ علیہ وآلہ وسلم) نے پڑھایا ہے تو میں پڑھاؤں گا ورنہ میں تاحیات کسی کو ایک حرف بھی نہیں پڑھاؤں گا۔ حضرت عمر (رض) نے فرمایا : نہیں تم پڑھاؤ۔ نسائی، ابن ابی داؤد فی المصاحف، مستدرک الحاکم۔
نوٹ : 4745 پر روایت گذر چکی ہے۔