4854: ۔۔ حضرت ابی بن کعب (رض) فرماتے ہیں : میں نے ایک آیت پڑھی۔ ابن مسعود (رض) نے اس کے خلاف پڑھی۔ میں نے نبی کریم (صلی اللہ علیہ وآلہ وسلم) کی خدمت میں حاضر ہو کر عرض کیا : کیا آپ نے مجھے یوں یوں نہیں پڑھایا ؟ آپ (صلی اللہ علیہ وآلہ وسلم) نے فرمایا : ہاں ، کیوں نہیں۔ حضرت ابن مسعود رضی الہ عنہ نے عرض کیا : اور آپ نے مجھے یوں یوں نہیں پڑھایا ؟ فرمایا : کیوں نہیں۔ تم دونوں نے اچھا اور عمدہ پڑھا ہے۔
حضرت ابی (رض) فرماتے ہیں : میں آپ کو کچھ عرض کرنے لگا تو آپ (صلی اللہ علیہ وآلہ وسلم) نے میرے سینے پر مار کر ارشاد فرمایا اے ابی بن کعب ! مجھے قرآن پڑھایا گیا ۔ پھر مجھ سے پوچھا گیا : ایک حرف پر یا دو حرف پر۔ لہٰذا میں نے بھی کہا : دو حرفوں پر ۔ پھر پوچھنے والے نے پوچھا : دو حرفوں پر یا تین حرفوں پر ؟ میرے ساتھ والے فرشتے نے کہا تین حرفوں پر۔ لہٰذا میں نے تین حرفوں پر۔ حتی کہ وہ سات حرفوں پر پہنچ گیا ان میں سے ہر حرف کافی شافی ہے۔ غفورا رحیما کہوں یا سمیعا علیما یا علیما سمیعا اللہ اسی طرح ہے۔ جب تک عذاب کی آیت کو رحمت سے بدلا نہ جائے یا رحمت کی آیت کو عذاب سے ۔ مسند احمد، ابن منیع ، نسائی، مسند ابی یعلی، السنن لسعید بن منصور۔
3080 پر روایت گذر گئی۔