4855: ۔۔ حضرت ابی بن کعب (رض) فرماتے ہیں : میں مسجد میں تھا۔ ایک شخص مسجد میں داخل ہوا اور نماز کے لیے کھڑا ہوگیا ۔ اس نے جو قراءت کی۔ میں نے اس کی تردید کی۔ پھر دوسرا شخص مسجد میں آیا۔ اور نماز میں اس شخص کے خلاف قراءت کی۔ پھر ہم نماز سے فارغ ہو کر سب رسول اللہ (صلی اللہ علیہ وآلہ وسلم) کی خدمت میں حاضر ہوئے میں نے عرض کیا اس شخص نے ایسی قراءت کی ہے جس کی میں نے ان پر نکیر کی۔ پھر یہ دوسرا شخص آ کر دوسری طرح قراءت کرنے لگا۔ رسول اللہ (صلی اللہ علیہ وآلہ وسلم) نے دونوں کو پڑھنے کا حکم دیا۔ دونوں نے پڑھ کر سنایا۔ آپ (صلی اللہ علیہ وآلہ وسلم) نے دونوں کی تحسین فرمائی۔ لہٰذا میں دل میں تکذیب (جھٹلانے کا) خیال سا ہوا جو جاہلیت میں بھی نہیں تھا۔ پھر جب رسول اللہ (صلی اللہ علیہ وآلہ وسلم) نے میری بدلی ہوئی کیفیت ملاحظہ فرمائی تو میرے سینے پر ہاتھ مارا جس سے میں پسینہ پسینہ ہوگیا۔ گویا میں ڈر کے مارے اللہ کو دیکھنے لگا۔ پھر آپ (صلی اللہ علیہ وآلہ وسلم) نے فرمایا : اے ابی ! میرے رب نے مجھے پیغام بھیجا تھا کہ ایک حرف پر قرآن پڑھاؤ۔ میں نے درخواست کی کہ میری امت پر آسانی کردیجیے۔ لہٰذا اللہ پاک نے دوسری مرتبہ فرمایا : دو حرفوں پر پڑھاؤ۔ میں نے دوبارہ درخواست کی کہ میری امت پر آسانی فرمائیے۔ اللہ پاک نے تیسری مرتبہ درخواست کی کہ ہر بارے کے بارے میں تمہاری ایک دعا قبول ہوگی۔ پس میں نے دوبارہ یہ دعا کی : اللھم اغفر لامتی، اللھم اغفر لامتی، اور تیسری دعا میں نے اس دن کے لیے ذخیرہ کرلی ہے جس دن تمام مخلوق میری طرف متوجہ ہوگی حتی کہ ابراہیم (علیہ السلام) بھی۔ (مسند احمد، مسلم)