4993: ۔۔ عبداللہ بن شداد بن الہاد (رح) سے عبداللہ بن جعفر کے متعلق روایت کرتے ہیں کہ عبداللہ بن جعفر اپنی بیٹیوں کو یہ کلمات سکھاتے اور ان کو پڑھنے کا حکم دیتے تھے۔ اور فرمایا کرتے تھے کہ انھوں نے یہ کلمات حضرت علی (رض) سے حاصل کیے ہیں اور حضرت علی (رض) نے فرمایا : کہ جب رسول اللہ (صلی اللہ علیہ وآلہ وسلم) کو کوئی تکلیف یا سختی لاحق ہوتی تو آپ ان کلمات کا ورد فرمایا کرتے تھے۔
لا الہ الا اللہ الحلیم الکریم سبحانہ، تبارک اللہ رب العالمین، ورب العرش العظیم، والحمد للہ رب العالمین، نسائی ، ابو نعیم۔
3432، 3907 پر یہ روایت گذر گئی ہے۔