4994: ۔۔ حضرت علی (رض) سے مروی ہے کہ مجھے رسول اللہ (صلی اللہ علیہ وآلہ وسلم) نے ارشاد فرمایا :
کیا میں تم کو ایسے کلمات نہ سکھا دوں کہ جب تم ان کو پڑھو تو تمہاری مغفرت کردی جائے۔
دوسری روایت کے الفاظ ہیں : تمہارے گناہوں کی مغفرت کردی جائے خواہ وہ سمندر کی جھاگ کے برابر ہوں یا چیونٹیوں کی تعداد کے برابر ہوں پھر بھی وہ سب گناہ بخش دیے جائیں گے۔
لا الہ الا اللہ العلی الحلیم الکریم، لا الہ الا اللہ العلی العظیم، سبحان اللہ رب السموات السبع و رب العرش الکریم والحمد للہ رب العالمین۔ (مسند احمد، العدنی، ترمذی، نسائی، صحیح ابن حبان، ابن ابی الدنیا فی الدعاء، ابن ابی عاصم فی السنۃ، ابن جریروصححہ، مستدرک الحاکم، السنن لسعید بن منصور)
حضرت خلعی (رح) اپنی کتاب خلعیات میں حضرت علی (رض) کا ارشاد نقل کرتے ہیں کہ یہ کلمات فراخی اور کشادگی کے ہیں۔