4995: ۔۔ حضرت علی (رض) سے مروی ہے کہ حضرت دانیال (علیہ السلام) کو بخت نصر بادشاہ کے روبرو پیش کیا گیا۔ بادشاہ نے ان کو قید کیے جانے کا حکم دیا لہٰذا حضرت دانیال (علیہ السلام) کو محبوس کردیا گیا۔ پھر دو شیروں کو (بھوکا رکھ کے ان کو شکار پر) بھڑکا یا گیا اور ان وک دانیال علیہ السالم کے ساتھ کنویں میں چھوڑ دیا اور پانچ دنوں کے لیے کنویں کا منہ بند کردیا گیا۔ پانچ دنوں کے بعد کنواں کھولا گیا تو دیکھا کہ حضرت دانیال (علیہ السلام) کھڑے نماز پڑھ رہے ہیں اور دونوں شیر کنویں کے ایک کونے میں ہیں اور حضرت دانیال (علیہ السلام) سے قطعا چھیڑ چھاڑ نہیں کر رہے۔
بخت نصر نے دانیال (علیہ السلام) سے دریافت کیا : تم نے کیا کہا تھا جو تمہاری حفاظت کا سبب بنا۔ حضرت دانیال (علیہ السلام) نے فرمایا میں نے یہ کلمات پڑھے تھے۔
الحمد لله الذی لا ينسی من ذكره ، الحمد لله الذی لا يخيب من دعاه ، الحمد لله الذی لا يكل من توکل عليه إلى غيره ، الحمد لله الذی هو ثقتنا حين تنقطع عنا الحيل ، الحمد لله الذی هو رجاؤنا حين تسوء ظنوننا باعمالنا ، الحمد لله الذی يكشف ضرنا عند کر بنا الحمد لله الذی يجزي بالاحسان احسانا ، الحمد لله الذی يجزی بالصبر نجاة .۔
تمام تعریفیں اللہ ہی کے لیے ہیں جو اپنے یاد کرنے والے کو بھولتا نہیں، تمام تعریفیں اللہ ہی کے لیے ہیں جس کو پکارنے والا نامراد نہیں ہوتا۔ تمام تعریفیں اللہ ہی کے لیے ہیں جس کو پکارنے والا نامراد نہیں ہوتا۔ تمام تعریفیں اللہ ہی کے لیے ہیں جو اپنے پر بھروسہ کرنے والے کو دوسرے کے سپرد نہیں کرتا، تمام تعریفیں اللہ ہی کے لیے ہیں جو ہمارا آسرا اور بھروسہ ہے جب تمام حیلے بےکار ہوجائیں۔ تمام تعریفیں اللہ ہی کے لیے ہیں جو ہماری امیدوں کا مرکز ہے جب ہمارے اعمال پر ہماری امیدوں کی اوس پڑجائے تمام تعریفیں اللہ کے لیے ہیں جو مصیبت کے وقت ہماری مشکل دور کرتا ہے۔ تمام تعریفیں اللہ کے لیے ہیں جو احسان کا بدلہ احسان سے دیتا ہے۔ تمام تعریفیں اللہ کے لیے جو صبر کے بدلے نجات دیتا ہے۔ (ابن ابی الدنیا فی الشکر)
اس روایت کی سند حسن ہے۔