5035: ۔۔ (مسند عمر (رض)) حضرت عمر (رض) سے مروی ہے کہ ان کو کوئی مصیبت پہنچی وہ رسول اللہ (صلی اللہ علیہ وآلہ وسلم) کسی کے پاس آئے اور ان کو شکایت کی اور عرض کیا کہ ان کے لیے ایک وسق کھجور کا حکم فرما دیں۔ حضور (صلی اللہ علیہ وآلہ وسلم) نے فرمایا : اگر تم چاہو تو میں تمہارے لیے ایک وسق کھجور کا حکم دیدوں اور اگر چاہ تو ایسے کلمات تم کو سکھا دوں جو اس سے بھی بہتر ہیں۔ حضرت عمر (رض) نے فرمایا : مجھے وہ کلمات بھی سکھا دیجیے اور ایک وسق کھجور کا حکم بھی کردیجیے (سبحان اللہ) کیونکہ میں بہت حاجت مند ہوں۔ حضور (صلی اللہ علیہ وآلہ وسلم) نے ارشاد فرمایا : میں کردیتا ہوں۔ پھر فرمایا : کہو :
اللھم احفظنی بالاسلام قاعدا واحفظنی بالاسلام راقدا ولا تطع فی عدوا ولا حاسدا واعوذبک من شر ما انت آخذ بناصیتہا واسالک من الخیر الذی ھو بیدک کلہ۔
اے اللہ ! میری حفاظت فرما اسلام کے ساتھ جاگتے ہوئے اور میری حفاظت فرما اسلام کے ساتھ سوتے ہوئے اور میرے متعلق کسی دشمن اور کسی حاسد کی بات مت قبول فرما۔ اور میں تیری پناہ مانگتا ہوں ہر اس چیز کے شر سے جس کی پیشانی تیرے ہاتھ میں اور تجھ سے اس خیر کا سوال کرتا ہوں جو تمام تیرے ہاتھ میں ہے۔ (ابن زنجویہ ، ابن ھسان، الخرئطی فی مکارم الاخلاق، الدیلمی، السنن لسعید بن منصور۔
کلام : حافظ ابن حجر (رح) اپنی اطراف میں اس روایت کے متعلق انقطاع کا حکم فرماتے ہیں :