5110: ۔۔ (جابر بن عبداللہ (رض)) حضرت جابر (رض) سے مروی ہے کہ رسول اللہ (صلی اللہ علیہ وآلہ وسلم) نے یہ دعا فرمائی :
اللهم أوسع علي من الدنيا وزهدنی فيها ، ولا تزوها عني ، وأقر عينى فيها ، اللهم انک سألتنی من نفسي ما لا أملک الا بك ، فاعطني منها ما يرضيك منها ، اللهم انت ثقتی حين ينقطع رجائي ، حين يسوء ظنی بنفسی ، اللهم لا تخيب طمعي ، ولا تحقق حذری ، اللهم ان عزيمتک عزيمة لا ترد ، وقولک قول لا يكذب ، فأمر طاعتک فلتحل في كل شئی مني أبدا ما بقيت ، وأمر معاصيك فلتخرج من کل شئی مني ، ثم حرم عليها الدخول في كل شئی مني أبدا ما ابقيتنی يا أرحم الراحمين۔
اے اللہ ! میری دنیا کے ساتھ، میرے دین پر مدد فرما، میرے تقوی کے ساتھ، میری آخرت پر میری مدد فرما، اے اللہ ! مجھ پر دنیا کو فراخ کردے اور اس میں مجھے بےرغبت کردے، اسے مجھ سے دور نہ کر، میری آنکھیں اس میں ٹھنڈی کردے۔ اے اللہ ! تو نے مجھ سے میری جان کا سوال کیا اور میں تیری توفیق کے بغیر اس کا مالک نہیں ہوں۔ پس مجھے اپنی جان سے ایسے اعمال نصیب کر جن سے تو راضی ہوجائے۔ اے جب ساری امیدیں دم توڑ دیتی ہیں اس وقت تو ہی میرا آسرا ہوتا ہے اور جس وقت میرا نفس میرے بارے میں برے برے خیالات کا شکار ہوتا ہے۔ اے اللہ ! میری امید کو ناکام نہ کر، میری احتیاط کو ضائع نہ کر، اے اللہ ! تیری عزیمت (و فیصلہ) رد نہیں ہوتا۔ تیرا قول جھٹلایا نہیں جاسکتا، پس اے اللہ جب تک میں زندہ ہوں تیری اطاعت کا حکم میری رگ رگ میں اتر جائے۔ اور تیری نافرمانی کا ذرہ ذرہ میری رگ رگ سے نکل جائے۔ اور پھر مجھ پر ان معاصی میں جانا حرام کردے جب تک کہ میں زندہ ہوں۔ یا ارحم الراحمین۔ الکبیر للطبرانی فی الدعاء ، الدیلمی۔
کلام : ۔۔ اس روایت کی سند میں عبدالرحمن بن ابراہیم مذنی ایک راوی ہے جس کے متعلق امام نسائی فرماتے ہیں لیس بالقوی وہ قوی راوی نہیں ہیں۔