5126: ۔۔ ابن عمر (رض) سے مروی ہے کہ رسول اللہ (صلی اللہ علیہ وآلہ وسلم) اکثر ہم کو ارشاد فرماتے تھے :
اے میرے صحابیو ! کیا چیز تم کو مانع ہے کہ تم اپنے گناہوں کا کفارہ آسان کلمات کے ساتھ ادا کرتے رہو ؟ لوگوں نے پوچھا : یا رسول اللہ کون سے کلمات ؟ فرمایا : تم کو میرے بھائی خضر علیہ السالم کی دعا یاد نہیں کیا ؟ (صحابی فرماتے ہیں) ہم نے عرض کیا یار سول اللہ ! وہ یہ دعا کیا کرتے تھے :
اللھم انی استغفرک لما تبت الیک منہ، ثم عدت فیہ، واستغفرک لما اعتطیتک من نفسی ثم الم اوف لک بہ، واستغفرک للنعم التی انعمت بھا علی فتقویت بھا علی معاصیک واستغرک لکل خیر اردت بہ وجھک فخالطنی فیہ ما لیس لک، اللھم لا تخزنی فانک بی عالم، ولا تعذبنی فانک علی قادر۔
اے اللہ ! میں ان گناہوں سے تیری مغفرت مانگتا ہوں جن سے میں نے توبہ کی اور پھر ان میں مبتلا ہوگیا، اور میں تیری مغفرت مانگتا ہوں کہ میں نے اپنی جان کے متعلق تجھ سے عہد و پیمان کیے لیکن پھر ان کو پورا نہ کرسکا۔ اے اللہ ! میں تیری مغفرت چاہتا ہوں کہ تو نے مجھ پر اپنی نعمتیں انعام فرمائیں لیکن میں نے ان کو تیری نافرمانی کا ذریعہ بنا لیا، میں تیری مغفرت چاہتا ہوں ہر اس خیر کے لیے جو میں نے خالص تیری رضا کے لیے کرنے کا ارادہ کیا مگر اس میں کچھ کھوٹ شامل ہوگیا جو تیرے لیے نہ تھا۔ اے اللہ ! مجھے رسوا نہ فرما بیشک تو مجھے خوب جاننے والا ہے۔ اور مجھے عذاب نہ کر بیشک تو مجھ پر خوب قادر ہے۔ رواہ الدیلمی۔
کلام : ۔۔ ضعیف روایت ہے دیکھئے : ذیل اللآلی 155 ۔ الضعیفۃ 1604 ۔