5127: ۔۔ بندگان خدا میں سے ایک بندہ نے یہ دعائیہ کلمہ کہا :
یا رب لک الحمد کما ینبغی لجلال وجھک ولعظیم سلطانک۔
اے پروردگار ! تیرے لیے تعریفیں ہوں جیسی کہ تیری ذات بزرگی اور تیری بادشاہت کی عظمت کے لائق ہوں۔
دو فرشتوں نے ان کلمات (کا ثواب) لکھنے کی کوشش کی، مگر لکھ نہ سکے۔ وہ دونوں آسمان کی طرف چڑھے اور عرض کیا : اے پروردگار ! تیرے ایک بندے ایک ایسی بات کہی ہے کہ ہم کو معلوم نہیں کہ کیسے اس (کے ثواب) کو لکھیں۔ پروردگار عزوجل نے حالانکہ اپنے بندہ کی بات کو بخوبی جانتا ہے پھر بھی تفاخرا ارشاد فرمایا : میرے بندے نے کیا کہا ہے ؟ فرشتے کہتے ہیں اس نے یہ کلمات تیری بارگاہ میں کہے ہیں :
یا رب لک الحمد کما ینبغی لجلال وجہک ولعظیم سلطانک۔
پروردگار فرماتے ہیں : ان کلمات کو یونہی لکھ لو جیسے اس نے کہے ہیں جب بندہ مجھ سے ملاقات کے لیے آئے گا میں خود اس کو ان کا اجر دوں گا۔ (ابن ماجہ، شعب الایمان للبیہقی، الکبیر للطبرانی عن ابن عمر (رض))
الحمد للہ الذی بنعمتہ تتم الکلمات الصالحات و بنعمتہ و منہ تم الکتاب اللھم لک الحمد کلہ ولک الشکر کلہ محمد اصغر غفر اللہ لہ۔
ختم شد