٨٦٤٦۔۔۔ ابوعبیدہ بن ضذیفہ اپنی پھوپھی فاطمہ سے نقل کرتے ہیں وہ فرماتی ہیں : ہم چند عورتیں رسول اللہ (صلی اللہ علیہ وآلہ وسلم) کی عیادت کے لیے آئیں ، آپ کو بخار تھا، آپ نے مشکیزہ کو لٹکانے کا حکم دیا، تو وہ ایک درخت سے لٹکا دیا گیا آپ اس کے نیچے لیٹ گئے، تو اس کا ایک قطرہ وقفہ وقفہ سے آپ پر پڑتا اور جو شدت بخار آپ محسوس کررہے تھے اس میں کمی آئی میں نے عرض کیا : یارسول اللہ ! اگر آپ اللہ تعالیٰ سے دعاکریں تو یہ بخار آپ سے ہٹادیں، آپ نے فرمایا : سب سے زیادہ سخت آزمائش والے انبیاء ہوتے ہیں ، پھر وہ لوگ جو ان کے قریب ہوتے ہیں پھر وہ جوان کے قریب ہوتے ہیں، پھر وہ جو ان کے نزدیک ہوتے ہیں۔ (بیھقی فی الشعب)
تشریح :۔۔۔ انبیاء کے نزدیک تر صحابہ پھر تابعین پھر تبع تابعین۔