٨٦٧٣۔۔۔ عبداللہ بن وھب ، ثوابہ بن مسعود تنوخی ، کسی ایسے شخص سے جس نے حضرت انس بن مالک (رض) سے روایت کی ہے فرمایا : حضرت عثمان بن مظعون کا بیٹا فوت ہوگیا، تو آپ کو اس کا سخت صدمہ ہوا ، یہاں تک کہ آپ نے اپنے گھر میں ہی نماز کی جگہ بنالی جہاں بیٹھ کر عبادت کرتے۔
نبی (صلی اللہ علیہ وآلہ وسلم) کو جب اس بات کا پتہ چلا تو آپ نے فرمایا : عثمان ! اللہ تعالیٰ نے ہم پر رہبانیت (ترک دنیا) فرض نہیں کی، میری امت کی رہبانیت اللہ تعالیٰ کے راستہ میں جہاد کرنا ہے، اے عثمان بن مظعون جنت کے آٹھ دروازے اور جہنم کے سات دروازے ہیں کیا تمہیں اس بات سے خوشی نہیں کہ تم جس دروازے پر بھی آؤ وہاں اپنے بیٹے کو موجود پاؤ جو تمہارا دامن پکڑ کر اپنے رب کے حضور تمہاری شفاعت کرے ؟ انھوں نے کہا : کیوں نہیں یارسول اللہ !
کسی نے کہا : یارسول اللہ ! کیا ہماری اگلی اولاد کے لیے بھی وہی ہے جو عثمان کے لیے ہے۔ آپ نے فرمایا : ہاں ، جس نے صبر کیا اور ثواب کی امید رکھی۔ پھر فرمایا : اے عثمان بن مظعون ! جس نے فجر کی نماز باجماعت ادا کی اور پھر سورج نکلنے تک وہیں بیٹھا رہا تو اس کے لیے جنت فردوس میں ستر درجہ ہوں گے، ہر دو درجہ کے درمیان اتنا فاصلہ جتنا ایک تیز رفتار گھوڑے کو ستر سال ایڑلگانے اور دوڑانے سے ہوتا ہے، اور جس نے ظہر کی نماز باجماعت ادا کی اس کے لیے جنت عدن میں بچ اس درجے ہوں گے، ہر دو درجوں کے درمیان اتنا فاصلہ ہوگا جتنا تیز رفتار گھوڑے کو پچاس سال اپڑلگانے سے پیدا ہوتا ہے اور جس نے عصر کی نماز باجماعت ادا کی ، تو اس کے لیے حضرت اسماعیل (علیہ السلام) کے آٹھ بیٹوں جیسا اجر ہوگا۔ ان میں سے ہر ایک گھر کا مالک ہو اور انھیں آزاد کردیں۔
اور جس نے مغرب کی نماز باجماعت ادا کی تو اسے ایک مقبول حج اور عمرہ کا ثواب ملے گا، اور جس نے عشاء کی نماز باجماعت پڑھی اسے لیلۃ القدر میں قیام کا ثواب ملے گا۔ (٦٦٢٦ ومزاہ المصنف، حاکم فی تاریخہ عن انس)
تشریح :۔۔۔ یہ حضرت عبداللہ بن عمر کے ماموں اور رسول اللہ صلی اللہ علیہ کے رضاعی بھائی ہیں وفات کے بعد رسول اللہ (صلی اللہ علیہ وآلہ وسلم) نے ان کا ماتھا چوما۔