٨٦٧٤۔۔۔ عبدالخالق بن ابراہیم بن طہمان اپنے والد سے وہ بکر بن حنیس سے وہ ضرار بن عمرو سے وہ ثابت بنانی وہ حضرت انس (رض) سے نقل کرتے ہیں فرمایا : حضرت عثمان بن مظعون کا بیٹا فوت ہوگیا تو انھیں بڑا صدمہ ہوا، اور انھوں نے اپنے گھر ہی نماز کی جگہ بنالی جس میں عبادت کرتے تھے، اور نبی (صلی اللہ علیہ وآلہ وسلم) کی مجلس و حاضری سے پندرہ روز غائب رہے آپ (صلی اللہ علیہ وآلہ وسلم) نے ان کے متعلق پوچھا : تو لوگوں نے کہا : ان کا بیٹا فوت ہوا، جس کی وجہ سے انھیں سخت غم پہنچا ہے۔ اور انھوں نے اپنے گھر ہی نماز و عبادت کے لیے ایک جگہ بنالی ہے تو رسول اللہ (صلی اللہ علیہ وآلہ وسلم) نے فرمایا : انھیں بلاؤ اور جنت کی خوشخبری دو ! آپ جب نبی (صلی اللہ علیہ وآلہ وسلم) کے پاس آئے تو آپ نے فرمایا : عثمان ! کیا تم اس بات پر راضی نہیں کہ جنت کے آٹھ دروازے اور جہنم کے سات دراوزے ہیں تم جنت کے جس دروازے کے پاس جاؤ تو وہاں اپنے بیٹے کو کھڑا پاؤ جو تمہارے دامن سے پکڑ کر تمہارے دامن سے پکڑ کر تمہارے رب کے حضور تمہارے لیے شفاعت کرے ؟ انھوں نے عرض کیا : کیوں نہیں یا رسول اللہ !
صحابہ (رض) نے محمد (صلی اللہ علیہ وآلہ وسلم) سے عرض کیا : کیا ہماری اولاد کے بارے میں ہمارے لیے یہی اجر ہے ؟ آپ نے فرمایا : ہاں میری امت میں سے ہر اس شخص کے لیے جو ثواب کی امید رکھے ، پھر رسول اللہ (صلی اللہ علیہ وآلہ وسلم) نے فرمایا : اے عثمان ! کیا تمہیں معلوم ہے کہ اسلام کی رہبانیت کیا چیز ہے ؟ اللہ تعالیٰ کی راہ میں جہاد کرنا، اے عثمان ! جس نے فجر کی نماز باجماعت ادا کی،پھر سورج طلوع ہونے تک اللہ تعالیٰ کا ذکر کیا، تو اسے ایک مقبول حج اور عمرہ کا ثواب ہے۔
اور جس نے ظہر کی نماز باجماعت ادا کی تو اس کے لیے اس جیسی پچیس (٢٥) نمازوں کا ثواب ہے، اور جنت فردوس میں ستر درجات ہیں ، اور جس نے عصر کی نماز باجماعت اد ا کی اور پھر سورج غروب ہونے تک اللہ تعالیٰ کا ذکر کیا تو اسے اسماعیل (علیہ السلام) کے آٹھ بیٹوں کو آزاد کرنے کا ثواب ہے ان میں سے ہر ایک کی دیت بارہ ہزار اونٹ ہیں۔
اور جس نے مغرب کی نماز باجماعت ادا کی تو اسے اس جیسی پچیس نمازوں کا ثواب اور جنت عدن میں ستر درجات ملیں گے، اور جس نے عشاء کی نماز باجماعت ادا کی تو اس کے لیے لیلۃ القدر (کی عبادت) کا ثواب ہے۔ (حاکم فی تاریخہ، بیھقی فی الشعب