٨٦٨٠۔۔۔ حضرت عبداللہ بن مسعود (رض) سے روایت ہے فرماتے ہیں : رسول اللہ (صلی اللہ علیہ وآلہ وسلم) نے فرمایا : جس نے تین بچے آگے بھیجے جو نابالغ ہوں تو اس کے لیے (جہنم کی) آگ سے مضبوط قلعہ ہوں گے حضرت ابوذر نے پوچھا : میں نے دوبچے بھیجے ہیں ، آپ نے فرمایا : اگرچہ دوہوں ، تو ابی بن کعب اور ابوالمنذر قاریوں کے سردار نے کہا : یارسول اللہ ! میں نے ایک ایک بچہ بھیجا ہے ؟ آپ نے فرمایا : اگرچہ ایک ہوں لیکن یہ پہلے صدمہ کے وقت ہے۔ (ابویعلی ابن عساکر)