٨٦٧٩۔۔۔ حارث بن اقیشر (رض) سے روایت ہے کہ رسول اللہ (صلی اللہ علیہ وآلہ وسلم) نے فرمایا : جن دو مسلمانوں (خاوند و بیوی) کے چار بچے فوت ہوگئے ہوں جو ان سے پہلے آگے پہنچ گئے ہوں تو اللہ تعالیٰ ان دونوں کو جنت میں داخل فرمائیں گے، لوگوں نے عرض کیا : اگرچہ تین ہوں ؟ آپ نے فرمایا : اگرچہ تین ہوں ، پھر لوگوں نے پوچھا : اگر دوہوں ؟ آپ نے فرمایا : اگرچہ دوہوں۔
میری امت کا ایک شخص جنت میں جائے گا اور مضر قبیلہ سے زائد لوگوں کی شفاعت کرے گا، اور میری امت کا ایک شخص جہنم کے لیے اتنا بڑا ہوگا کہ وہ اس کے ایک حصہ میں سما جائے گا۔ (الحسن بن سفیان ، طبرانی فی الکبیر و ابونعیم)