Maarif ul Hadith: Hadith 284

حضرت عبداللہ بن صامت رضی اللہ عنہ ، ابوذر غفاری رضی اللہ عنہ سے روایت کرتے ہیں کہ انہوں نے (ابوذر نے) رسول اللہ صلی اللہ علیہ وسلم کی خدمت میں عرض کیا ، یا رسول اللہ ! ایک آدمی ہے اس کو اللہ کے خاص بندوں سے محبت ہے لیکن وہ اس سے عاجز ہے کہ ان کے سے عمل کر سکے (تو اس بے چارہ کا انجام کیا ہو گا ؟) رسول اللہ صلی اللہ علیہ وسلم نے ارشاد فرمایا : ابوذر ! تم کو جس سے محبت ہوگی تم اسی کے ساتھ ہو گے ۔ ابوذر نے عرض کیا ۔ حضرت ! مجھے تو اللہ اور اس کے رسول سے محبت ہے ۔ آپ نے ارشاد فرمایا پس تم ان ہی کے پاس اور ان ہی کے ساتھ رہو گے جن سے تم کو محبت ہے ۔ یہ جواب سُن کر ابوذر نے پھر اپنی بات دُہرائی اور رسول اللہ صلی اللہ علیہ وسلم نے جواب میں پھر وہی ارشاد فرمایا جو پہلی دفعہ ارشاد فرمایا تھا ۔ (سنن ابی داؤد)