Maarif ul Hadith: Hadith 311

حضرت سہل بن سعد ساعدی رضی اللہ عنہ سے روایت ہے کہ رسول اللہ صلی اللہ علیہ وسلم نے ارشاد فرمایا : کہ کاموں کو متانت اور اطمینان سے انجام دینا ، اللہ تعالیٰ کی طرف سے ہے ، اور جلد بازی کرنا شیطان کے اثر سے ہوتا ہے ۔ (جامع ترمذی)

تشریح
یعنی ہر ذمہ داری کو اطمینان سے انجام دینے کی عادت ایک محمود عادت ہے اور اللہ تعالیٰ کی توفیق سے نصیب ہوتی ہے اور اس کے برعکس جلد بازی ایک بُری عادت ہے اور اس میں شیطان کا دخل ہوتا ہے ۔