Maarif ul Hadith: Hadith 484

حضرت عبداللہ بن مسعود رضی اللہ عنہ سے روایت ہے کہ میں نے رسول اللہ صلی اللہ علیہ وسلم سے دریافت کیا کہ دینی اعمال میں سے کو ن سا عمل اللہ تعالیٰ کو سب سے زیادہ محبوب ہے …؟ آپ صلی اللہ علیہ وسلم نے فرمایا : ٹھیک وقت پر نماز پڑھنا۔ پھر میں نے عرض کیا کہ اس کے بعد کون سا عمل زیادہ محبوب ہے ؟ آپ صلی اللہ علیہ وسلم نے فرمایا ماں باپ کی خدمت کرنا ۔ میں نے عرض کیا کہ اس کے بعد کون سا عمل زیادہ محبوب ہے ؟ آپ صلی اللہ علیہ وسلم نے فرمایا راہ خدا میں جہاد کرنا ۔ (صحیح بخاری و صحیح مسلم)

تشریح
اس حدیث میں رسول اللہ صلی اللہ علیہ وسلم نے والدین کی خدمت اور جہاد سے افضل اور محبوب ترین “ نماز ” کو بتلایا ہے ، ار بلا شبہ نماز کا مقام یہی ہے ۔ اور اس کی کچھ تفصیل اس ناچیز کے سالہ “ حقیقت نماز ” میں بھی دیکھی جا سکتی ہے ۔