Maarif ul Hadith: Hadith 674

حضرت ابی بن کعب رضی اللہ عنہ سے روایت ہے کہ رسول اللہ صلی اللہ علیہ وسلم جب وتر کا سلام پھیرتے تھے تو کہتے تھے سبحان الملك القدوس۔ (سنن ابی داؤد و سنن نسائی)

تشریح
نسائی کی روایت میں یہ اضافہ بھی ہے کہ آپ صلی اللہ علیہ وسلم یہ کلمہ تین دفعہ کہتے تھے ، اور اس کو طویل کرتے تھے (یعنی کھینچ کر پڑھتے تھے) ۔ اور بعض روایات میں ہے کہ “ ويرفع صوته بالثالثة ” یعنی آپ صلی اللہ علیہ وسلم یہ کلمہ تیسری دفعہ بلند آواز سے کہتے تھے ۔