حضرت ام عطیہ انصاریہ رضی اللہ عنہا سے روایت ہے کہ رسول اللہ صلی اللہ علیہ وسلم نے ایک لشکر (کسی مہم پر روانہ فرمایا) جس میں علی بن ابی طالب رضی اللہ عنہ بھی تھے ، کہتی ہیں کہ میں نے رسول اللہ صلی اللہ علیہ وسلم کو یہ دعا کرتے ہوئے سنا ، اس حال میں کہ آپ صلی اللہ علیہ وسلم (دعا کے لئے) ہاتھ اٹھائے ہوئے تھے کہ اے اللہ ! مجھے اس وقت تک دنیا سے نہ اٹھا ، تا آنکہ تو مجھے علی کو دکھا دے ۔ (جامع ترمذی)

تشریح
حدیث کسی تشریح و توضیح کی محتاج نہیں ، بلا شبہ رسول اللہ صلی اللہ علیہ وسلم کو ان وجوہ سے جن کا ذکر کیا جا چکا ہے ، حضڑت علی مرتضیٰؓ کے ساتھ غایت درجہ کی محبت تھی ..... اسی کا مظہر حضور صلی اللہ علیہ وسلم کی یہ دعا بھی ہے ۔