Musnad Imam Ahmad: Hadith 1621

خالد بن سلمہ کہتے ہیں کہ ایک مرتبہ عبد الحمید بن عبدالرحمن نے موسیٰ بن طلحہ کو اپنے بیٹے کی دعوت ولیمہ میں بلایا اور ان سے پوچھا کہ اے ابو عیسیٰ ! نبی ﷺ پر درود سے متعلق روایت آپ تک کن الفاظ سے پہنچی ہے ؟ انہوں نے کہا کہ میں نے ایک مرتبہ حضرت زید بن خارجہ (رض) سے نبی ﷺ پر درود کے متعلق سوال کیا تھا، انہوں نے مجھے بتایا کہ میں نے خود بھی یہ سوال نبی ﷺ سے پوچھا تھا، نبی ﷺ نے اس کا جواب یہ دیا تھا کہ خوب احتیاط کے ساتھ نماز پڑھ کر یوں کہو اے اللہ ! محمد ﷺ اور آل محمد ﷺ پر اسی طرح برکتوں کا نزول فرما جیسے آل ابراہیم پر کیا تھا، بیشک تو قابل تعریف اور بزرگی والا ہے۔