Musnad Imam Ahmad: Hadith 3593

مسروق (رح) کہتے ہیں کہ ہم لوگ حضرت ابن مسعود (رض) کے پاس بیٹھے ہوئے تھے اور وہ ہمیں قرآن پڑھا رہے تھے، اسی اثناء میں ایک آدمی آکر کہنے لگا اے ابو عبدالرحمن ! کیا آپ لوگوں نے نبی ﷺ سے یہ پوچھا تھا کہ اس امت میں کتنے خلفاء ہوں گے ؟ حضرت ابن مسعود (رض) نے فرمایا میں جب سے عراق آیا ہوں، تم سے پہلے آج تک مجھ سے کسی نے یہ سوال نہیں پوچھا، پھر فرمایا ہاں ! ہم نے نبی ﷺ سے یہ سوال پوچھا تھا اور آپ ﷺ نے فرمایا تھا کہ بارہ خلفاء ہوں گے، نقباء بنی اسرائیل کی تعداد کی طرح۔