Muawtta Imam Muhammad: Hadith 300

جابر بن عتیک (رض) کہتے ہیں۔ جناب نبی اکرم (صلی اللہ علیہ وآلہ وسلم) عبداللہ بن ثابت (رض) کی عیادت کے لیے تشریف لائے۔ آپ (صلی اللہ علیہ وآلہ وسلم) نے انھیں سخت تکلیف میں پایا تو آپ (صلی اللہ علیہ وآلہ وسلم) نے انھیں آواز دی مگر وہ ( تکلیف کی وجہ سے) جواب نہ دے سکے۔ پس پھر (صلی اللہ علیہ وآلہ وسلم) نے انا للہ و انا الیہ راجعون پڑھی، پھر فرمایا۔ اے ابو الربیع ہم تمہارے معاملے میں اللہ تعالیٰ کے فیصلہ کے سامنے مغلوب ہیں۔ اس پر عورتوں نے چیخ و پکار کی اور وہ رونے لگیں۔ جابر بن عتیک (رض) عورتوں کو خاموش کرنے لگے جناب رسول اللہ (صلی اللہ علیہ وآلہ وسلم) نے فرمایا۔ انھیں چھوڑدو۔ جب واجب ہوچکا تو کوئی رونے والی ہرگز نہ روئے (یعنی اس کے رونے سے کیا فائدہ ) لوگوں نے عرض کیا یا رسول اللہ (صلی اللہ علیہ وآلہ وسلم) اس کا وجوب کیا ہے ؟ آپ (صلی اللہ علیہ وآلہ وسلم) نے ارشاد فرمایا وہ اس کا فوت ہوجانا ہے۔ عبداللہ مرحوم کی بیٹی بولی۔ اللہ کی قسم ! مجھے امید ہے کہ تم شہید ہوگئے۔ تمنی جہاد کا مکمل سامان تیار کر رکھا تھا۔ رسول اللہ (صلی اللہ علیہ وآلہ وسلم) نے فرمایا۔ بلاشبہ اللہ تعالیٰ نے ان کا اجر ان کی نیت کے مطابق تیار کر رکھا ہے۔ ( اے لوگو ! ) تم کس چیز کو شہادت سمجھتے ہو ؟ لوگوں نے عرض کیا جو اللہ تعالیٰ راہ میں مارا جائے۔ رسول اللہ (صلی اللہ علیہ وآلہ وسلم) نے فرمایا۔ اللہ تعالیٰ کی راہ میں قتل کے سوا شہادت کی سات اور صورتیں بہی ہیں۔ (١) طاعون سے مرنے والا شہید ہے (٢) ڈوب کر مرنے والا شہید ہے۔ (٣) نمونیہ کی بیماری سے مرنے والا شہید ہے۔ (٤) جل کر مرنے والا شہید ہے۔ (٥) دیوار کے نیچے دب کر مرجانے والا شہید ہے۔ (٦) وضع حمل کے دوران مرنے والی عورت شہیدہ ہے۔ (٧) ہیضہ کی بیماری سے مرجانے والا شہید ہے ( رواہ ابو داؤد و نسائی) (امام مالک نے اسے باب النہی عن البکاء علی المیت میں ذکر کیا ہے)