Muawtta Imam Muhammad: Hadith 318

حضرت ام المؤمنین عائشہ صدیقہ (رض) عنہا فرمانے لگیں جب ان کے سامنے ابن عمر (رض) کی اس بات کو ذکر کیا گیا کہ میت کو اس کے گھر والوں کے رونے کی وجہ سے عذاب ہوتا ہے ، اللہ تعالیٰ ابن عمر (رض) کو بخشے انھوں نے جھوٹ نہیں بولا مگر یا تو ان سے بھول ہوگئی یا غلطی سے یہ کہا ہے۔ بات یہ تھی کہ رسول اللہ (صلی اللہ علیہ وآلہ وسلم) ایک یہودی عورت کے پاس سے گزر رہے تھے۔ جس کے گھر والے اس پر رو رہے تھے تو رسول اللہ (صلی اللہ علیہ وآلہ وسلم) نے ارشاد فرمایا اس کے گھر والوے تو یہاں اس پر رو رہے ہیں اور اسے قبر میں عذاب ہو رہا ہے۔ ( یہ روایت مؤطا امام مالک میں معمولی الفاظ کے فرق سے بیاب ما روی ان المیت یعذب ببکاء الحی میں مذکور ہے)
قول محمد (رح) یہ ہے : ہم عائشہ صدیقہ (رض) عنہا کے قول کو اختیار کرتے ہیں اور یہی امام ابوحنیفہ (رح) کا قول ہے۔