Muawtta Imam Muhammad: Hadith 367

ام الفضل بنت الحارث (رض) عنہا کہتی ہیں کہ کچھ لوگوں نے رسول اللہ (صلی اللہ علیہ وآلہ وسلم) کے یوم عرفہ کے روزے کے متعلق باہمی شک کیا بعض نے کہا آپ روزے سے تھے اور دوسروں نے کہا آپ روزہ دار نہ تھے۔ تو ام فضل نے دودھ کا ایک پیالہ منگوایا اس وقت جناب رسول اللہ (صلی اللہ علیہ وآلہ وسلم) وقوف عرفات میں مصروف تھے ( وہ پیالہ آپ کی خدمت میں پیش کیا) تو آپ (صلی اللہ علیہ وآلہ وسلم) نے اسے نوش فرمایا۔
قول محمد (رح) یہ ہے : عرفہ کے دن جو روزہ رکھنا چاہے روزہ رکھ لے اور جو افطار کرنا چاہے اس کی مرضی ہے۔ یہ نفلی روزہ ہوگا۔ اگر روزہ اس کو اس دن کی دعا میں کمزوری کا باعث ہو تو اس کو افطار ہی افضل ہے۔