Muawtta Imam Muhammad: Hadith 369

ابو مرہ کہتے ہیں کہ عبداللہ بن عمرو بن العاص (رض) ایام تشریق میں حضرت عمرو بن العاص (رض) کے پاس گئے تو حضرت عمرو نے عبداللہ کے سامنے کھانا رکھا۔ عبداللہ نے کہا میں روزہ دار ہوں۔ تو عمرو (رض) کہنے لگے کھاؤ! کیا تمہیں معلوم نہیں کہ رسول اللہ (صلی اللہ علیہ وآلہ وسلم) ان دنوں میں ہمیں افطار کا حکم فرماتے تھے۔
قول محمد (رح) یہ ہے : ہم اسی کو اختیار کرتے ہیں۔ ایام تشریق میں روزہ رکھنا مناسب نہیں ہے۔ نہ تمتع کرنے والے ( کو اور نہ قران و افراد کرنے والے) دوسرے افراد کو۔ اس لیے کہ نبی اکرم (صلی اللہ علیہ وآلہ وسلم) نے اس سے منع فرمایا ہے۔ اور یہی امام ابوحنیفہ (رح) اور ہم سے پہلے صحابہ وتابعین کا عمل ہے۔ امام مالک (رح) کہتے ہیں۔ وہ متمتع جس کو ہدی میسر نہ آئے وہ ان دنوں میں روزے رکھے یا وہ شخص جس کو ہدی کی طاقت نہ ہو اور یوم نحر سے پہلے تین دن روزے نہ رکھ سکا ہو۔