Muawtta Imam Muhammad: Hadith 372

حمید بن عبد الرحمن نے حضرت معاویہ (رض) کو منبر پر خطبہ دیتے سنا جبکہ انھوں نے حج کیا۔ وہ کہ رہے تھے۔ اے اہل مدینہ ! تمہارے علماء کہاں ہیں ؟ میں نے رسول اللہ (صلی اللہ علیہ وآلہ وسلم) کو اس دن کے متعلق کہتے سنا تھا کہ یہ عاشوراء کا دن ہے اور اس کا روزہ تم پر فرض نہیں۔ اور میں روزہ رکھنے والا ہوں۔ پس جو چاہیے وہ روزہ رکھے اور جو چاہے نہ رکھے۔
(امام مالک نے یہ روایت باب صیام یوم عاشوراء میں نقل کی ہے)
قول محمد (رح) یہ ہے : عاشورہ کا روزہ فرضیت رمضان سے پہلے فرض تھا پھر اس کی فرضیت رمضان کی وجہ سے منسوخ ہوگئی۔ اب یہ نفلی روزہ ہے۔ جو چاہے روزہ رکھ لے اور جو چاہے روزہ نہ رکھے۔ یہی امام ابوحنیفہ (رح) اور ہم سے پہلے صحابہ (رض) عنہم وتابعین (رح) میں عام کا قول ہے۔