Muawtta Imam Muhammad: Hadith 395

عبداللہ بن عمر (رض) کہتے ہیں کہ عمر بن خطاب (رض) نے فرمایا۔ اپنے حج وعمرہ کے درمیان فصل کرو۔ اس طرح تمہارا حج بھی مکمل اور عمرہ بھی مکمل ہوگا۔ وہ اس طرح کہ عمرہ حج کے مہینوں کے علاوہ دوسرے مہینوں میں کرو۔
قول محمد (رح) یہ ہے : اگر آدمی عمرہ کرکے گھر لوٹ جائے پھر دوبارہ جاکر حج کرے اور لوٹ آئے اس طرح حج وعمرہ دو اسفار کے ساتھ کرنا قران سے افضل ہے۔ البتہ قران حج مفرد سے افضل ہے۔ اور اسی طرح مکہ مکرمہ سے عمرہ ادا کرنے اور مکہ مکرمہ سے تمتع کرنے سے افضل ہے۔ کیونکہ جب قر ان کرے گا تو اس کا عمرہ اور حج اس کے اپنے شہر سے ہوگا۔ دوسری طرف جب تمتع کرے گا تو اس کا حج مکی ہوگا۔ اور جب حج مفرد کرے گا تو اس کا عمرہ مکل ہوگا۔ پس ثابت ہوا کہ قران افضل ہے۔ یہی امام ابوحنیفہ (رح) اور ہمارے عام فقہاء کا اختیار ہے۔