Muawtta Imam Muhammad: Hadith 396

عمرہ بنت عبد الرحمن نے بتلایا کہ زیاد بن ابی سفیان عائشہ صدیقہ (رض) عنہا کی طرف لکھا کہ ابن عباس (رض) عنہا کہتے ہیں کہ جو شخص ہدی روانہ کردے اس پر وہ باتیں حرام ہوجاتی ہیں جو احرام کی حالت میں حرام ہوتی ہیں۔ میں نے ہدی روانہ کی ہے۔ آپ اپنا فتوی لکھ کر بتلادیں یا کسی کے ہاتھ کہلا بھیجیں۔ عمرہ کہتے ہیں کہ حضرت عائشہ (رض) عنہا نے فرمایا۔ ابن عباس (رض) جو بیان کرتے ہیں ایسا نہیں ہے۔ میں نے اپنے ہاتھ سے ہدی کے پٹے بنے تھے اور رسول اللہ (صلی اللہ علیہ وآلہ وسلم) نے اپنی دست اقدس سے ان کو ہدی کے گلے میں لٹکا کر میرے والد محترم کے ساتھ روانہ کردیا۔ پھر بھی حضرت رسول اکرم (صلی اللہ علیہ وآلہ وسلم) پر کجھ حرام نہیں ہوا تھا۔ وہ جو اللہ تعالیٰ نے حلال کیا تھا۔ یہاں تک کہ ہدایا ذبح کردیئے گئے۔
قول محمد (رح) یہ ہے : اسی پر ہمارا عمل ہے کہ محرم والے احکام اس پر لاگو ہوتے ہیں جو اپنی ہدی کے ساتھ خود جائے اور ان کو قلادہ ڈالے یہ یہدی کے ساتھ جانے کی وجہ سے محرم بن جائے۔ خواہ اس کے حج کا ارادہ کیا ہو یا عمرے کا۔ رہا وہ شخص جو مقیم ہو اپنے گھر مں ن ٹھہرا رہے وہ محرم نہ بنے گا۔ اور اس کے لیے کوئی حلال شی حرام نہ ہوگی۔ اور یہی امام ابوحنیفہ (رح) کا قول ہے۔