Muawtta Imam Muhammad: Hadith 500

عبداللہ بن عمرو بن العاص (رض) سے روایت ہے کہ جناب رسول اللہ (صلی اللہ علیہ وآلہ وسلم) لوگوں کے لیے منی میں وقوف فرمانے والے تھے۔ لوگ آپ (صلی اللہ علیہ وآلہ وسلم) سے مختلف سوالات کر رہے تھے۔ اس دوران ایک شخص وارد ہوا۔ اور کہنے لگایا رسول اللہ (صلی اللہ علیہ وآلہ وسلم) مجھ سے بھول ہوگئی اور میں نے نحر سے پہلے حلق کروالیا۔ رسول اللہ (صلی اللہ علیہ وآلہ وسلم) نے فرمایا۔ تو ذبح کر اور کوئی حرج نہیں۔ پھر ایک اور آدمی آیا اور وہ کہنے لگایا یا رسول اللہ (صلی اللہ علیہ وآلہ وسلم) میں نے بھول کر رمی سے پہلے نحر کرلیا۔ پس رسول اللہ (صلی اللہ علیہ وآلہ وسلم) نے فرمایا رمی کر اور کوئی حرج نہیں۔ عبداللہ کہتے ہیں رسول اللہ (صلی اللہ علیہ وآلہ وسلم) سے تقدیم و تاخیر کے متعلق جو سوال بھی کیا گیا۔ آپ نے فرمایا کرو اور کوئی حرج نہیں۔