Muawtta Imam Muhammad: Hadith 604

زید بن اسلم و نافع رحمہما اللہ سے روایت ہے کہ سلیمان بن ی سار (رح) نے بیان کیا ایک شامی نے جس کا نام احوص تھا اپنی بیوی کو طلاق دی اور وہ فوت ہوگیا۔ جب اس کی عورت کو تیسیرا حیض آیا تو اس نے کہا میں اس کی وراثت میں شریک ہوں۔ اس کی اولاد نے اس کی وراثت میں حصہ دینے سے انکار کردیا تو یہ معاملہ حضرت معاویہ بن ابی سفیان (رض) کے پاس پہنچا۔ امیر معاویہ (رض) نے فضالہ بن ع بید (رض) کو تحریر کیا اور شام والوں سے اس مسئلہ میں دریافت کیا۔ انھیں اس کے متعلق علم نہ تھا تو حضرت امیر رمعاویہ نے زید بن ثابت (رض) کو لکھا۔ حضرت زید بن ثابت (رض) نے جواب میں لکھا کہ جب وہ تیسرے حیض میں داخل ہوگئی تو نہ خاوند اس کا وارث رہا اور نہ وہ خاوند کی وارث رہی ۔ نہ خاوند کا اس سے تعلق رہا اور نہ اس کا خاوند سے کوئی واسطہ رہا۔