Muawtta Imam Muhammad: Hadith 655

ابو مرہ نے ابوہریرہ (رض) سے ایسی بکری کے متعلق دریافت کیا جو ذبح کی گئی اور اس کے جسم کا کوئی حصہ ہلا تو انھوں نے اس کے کھانے کا حکم فرمایا۔ پھر یہی مسئلہ زید بن ثابت (رض) سے دریافت کیا گیا تو انھوں نے فرمایا مردہ بھی حرکت کرتا ہے۔ پس انھوں نے کھانے سے منع کردیا۔ اس روایت کو ابا ما یکرہ من الذبیحہ فی الذکاۃ میں امام مالک (رح) نے ذکر کیا ہے)
قول محمد (رح) یہ ہے : اگر وہ اس طرح حرکت کرے کہ اس کے زندہ ہونے کا گمان غالب ہو تو اس کو کھالیا جائے اور جب اس کی حرکت چھڑکنے کے مشابہ ہو اور گمان غالب اس کے مرنے کا ہو تو اسے نہ کھایا جائے۔