Muawtta Imam Muhammad: Hadith 773

یحییٰ بن سعید بیان کرتے ہیں کہ سالم بن عبداللہ نے ایک غلام آٹھ سو درہم میں اس شرط کے ساتھ فروخت کیا کہ وہ اس کے عیب کے ذمہ دار نہیں۔ غلام کے خریدار نے عبداللہ بن عمر (رض) کو کہا کہ غلام بیمار ہے۔ آپ نے اس کا مرض مجھ سے بیان نہیں کیا۔ دونوں اپنا جھگڑا حضرت عثمان (رض) کی خدمت میں لے گئے۔ خریدار نے کہا کہ انھوں نے میرے پاس ایک غلام فروخت کیا اور وہ بیمار ہے۔ ابن عمر (رض) عنہمانے کہا میں نے عیب کی اس ش رط پر فروخت کیا تھا کہ ہم اس کے عیب کے ذمہ دار نہ ہوں گے۔ حضرت عثمان (رض) نے فیصلہ کیا کہ ابن عمر (رض) اللہ تعالیٰ کی قسم کھائین کہ انھوں جب غلام فروخت کیا تو اس وقت ان کو اس کے بیمار ہونے علم نہ تھا۔ ابن عمر (رض) نے قسم سے انکار کردیا تو غلام کو ان کے پاس لوٹادیا گیا۔ وہ غلام ان کے پاس آکر درست ہوگیا۔ پھر ابن عمر (رض) نے اس کو ڈیڑھ ہزار درہم میں فروخت کیا۔ (اس روایت کو امام مالک (رح) نے باب العیب فی الرقیق میں ذکر کیا ہے)
قول محمد (رح) ہے کہ ہمیں اس سلسلہ میں زید بن ثابت کا قول پہنچا ہے کہ انھوں نے فرمایا۔ جس شخص نے غلام عیب کی عدم ذمہ داری پر فروخت کیا وہ اس کے ہر عیب سے بری ہے۔ جس طرح ابن عمر (رض) نے عیب کی عدم ذمہ داری پر فروخت کیا۔ انھوں نے برأت کو جائز قرار دیا۔ ہم زید بن ثابت اور ابن عمر (رض) کے قول کو اختیار کرتے ہیں کہ اگر کوئی شخص کوئی چیز یا غلام خریدے اور اس کے ہر عیب سے بری ہونے کی شرط کرلے اور مشتری اس پر رضا مندی ظاہر کرکے قبضلہ کرلے تو وہ چیز ہر عیب کی ذمہ داری سے آزاد ہے۔ خواہ اسے عیب معلوم ہو یا نہ ہو۔ کیونکہ خریدار نے اس کو اس بات سے آزاد کردیا ہے۔ لیکن علماء مدینہ کے ہان فروخت کرنے والا صرف اس عیب سے بری ہوگا۔ جس کا اسے علم نہیں۔ جس عیب کا اسے علم ہو اور اس نے اس عیب کو چھپایا ہو تو وہ اس سے بری الذمہ نہ ہوگا۔ وہ کہتے ہیں کہ جب فروخت کرنے والا عیب بتلا کر اس سے عدم ذمہ داری کی شرط کرے تب تو وہ اس سے بری ہوگا۔ خواہ اس عیب کا اس کو علم ہو یا نہ ہو۔ جب باس نے کہہ دیا کہ میں برائت کی شرط پر فروخت کرتا ہوں۔ اور اسنے عیب بتلا بھی دیا تو اس شرط کی بناء بر مناسب ہے کہ وہ بری ہوجائے۔ یہی امام ابوحنیفہ (رح) اور ہمارے فقہاء کا قول ہے۔