Muawtta Imam Muhammad: Hadith 83

قعقاع بن حکیم اور زید بن اسلم رحمہما اللہ دونوں نے ابوبکر بن عبد الرحمن کے غلام سمی کو سعید بن المسیب کی خدمت میں بھیجا کہ مستحاضہ کیونکر غسل کرے۔ سعید کہنے لگے کہ وہ طہر سے طہر تک غسل کرے اور ہر نماز کے لیے وضو کرے پھر اگر اس پر خون کا غلبہ ہو تو لنگوٹ باندھ لے۔ (امام مالک نے مؤطا میں یہ اثر نقل کیا ہے)
قول محمد (رح) یہ ہے کہ جب اس عورت کے ایام حیض گزر جائیں تو غسل کرے اور ہر نماز کے لیے وضو کرتی رہے یہاں تک کہ اس کے ایام حیض آجائیں۔ ان میں نماز چھوڑدے۔ پھر ایام حیض گزر جانے پر ایک بار غسل کرے اور ہر نماز کے وقت وضو کرتی رہے۔ اور دوسری نماز کا وقت آنے تک نماز پڑھ لے جب تک کہ اس کا یہ بیماری والا خون کا سلسل قائم ہے۔ یہی امام ابوحنیفہ (رح) اور ہمارے عام فقہاء کا قول ہے۔