Muawtta Imam Muhammad: Hadith 82

ام المؤمنین ام سلمہ (رض) عنہا سے روایت ہے کہ رسول اللہ (صلی اللہ علیہ وآلہ وسلم) کے عہد مں ر ایک عورت کو بہت خون آتا تھا۔ پس اس کی خاطر ام سلمہ (رض) عنہا نے رسول اللہ (صلی اللہ علیہ وآلہ وسلم) سے فتوی دریافت کیا تو آپ (صلی اللہ علیہ وآلہ وسلم) نے فرمایا اگر وہ مہینے کے ان دن راتوں کو دیکھے جن میں اسے حیض آتا ہے جبکہ وہ اس بیماری میں مبتلا نہ ہوئی تھی۔ پھر مہینے میں ان دنوں کی مقدار نماز کو ترک کردے۔ جب وہ ان ایام کو گزار لے تو غسل کرے اور ایک کپڑے کا لنگوٹ باندھے پھر نماز ادا کرے۔ (یہ حدیث مؤطاء امام مالک میں باب المستحاضہ میں مذکور ہے)
قول محمد (رح) یہ ہے : ہم اسی کو اختیار کرتے ہیں کہ وہ ہر نماز کے لیے نیا وضو کرے اور وقت کے آخر تک نماز پڑھتی رہے۔ خواہ اس دوران اس کا خون بہتا رہے ۔ امام ابوحنیفہ (رح) کا بھی یہی قول ہے۔