Muawtta Imam Muhammad: Hadith 848

ابن شہاب زہریر بیان کرتے ہیں کہ حضرت عمر (رض) کے زمانہ میں گمشدہ اونٹنیاں چھوڑی جاتی تھیں۔ وہ بچے جنتی تھیں اوۃ ر انھیں کوئی نہیں چھوتا تھاد یہاں تک کہ حضرت عثمان (رض) کا زمانہ آیا تو آپ نے ان کو پہچاننے اور مشتہر کرنے کا حکم دیا (مالک نہ ملتا ) تو انھیں فروخت کردیا جاتا جب مالک آتا تو اس کو اس کی قیمت دے دی جاتی۔ ( اس روایت کو امام مالک (رح) نے باب القضاء فی الضوال میں ذکر کیا ہے)
قول محمد (رح) یہ ہے : کہ اس کی دونوں صورتیں بہتر ہیں (١) امام پسند کرے تو اسے چھوڑدے یہاں تک کہ اس کا مالک آجائے۔ (٢) اگر اسے نقصان کا اندیشہ ہو اور ایسا آدم نہ ملے جو اس کی حفاظت کرے۔ تو اس کو فروخت کردے اور اس کی قیمت محفوظ رکھی جائے۔ تآنکہ اس کا مالک آجائے۔ ان دونوں صورتوں میں کوئی حرج نہیں ہے۔