Muawtta Imam Muhammad: Hadith 891

سفیان بن ابی زہیر (رض) نے جو کہ قبیلہ شنوہ سے تعلق رکھتے ہیں یہ حدیث بیان کی کہ جس شخص نے کتا پالا اور اس کا مقصد نہ کھیت کی حفاظت تھی نہ بکریوں کی رکھوالی، اس کے اعمال میں سے روزنہ ایک قیراط کم ہوتا جاتا ہے۔ سائب کہتے ہیں میں نے ان سے دریافت کیا کہ کیا آپ نے یہ خود ارشاد نبوت سنا ہے۔ تو انھوں نے کہا رب کعبہ کی قسم اور اس مسجد نبوی کے رب کی قسم میں نے یہ رسول اللہ (صلی اللہ علیہ وآلہ وسلم) سے خود سنا ہے۔
قول محمد (رح) یہ ہے : کہ کسی فائدہ کے بغیر کتا پالنا مکروہ ہے۔ البتہ بکریوں، کھیتوں کی حفاظت کے لیے پالنے کی اجازت ہے۔ اس میں حرج نہیں۔